التغطية الشبه كاملة لحفل عمرو دياب الاسطوري المؤرخ

التغطيه الكامله والحصريا لحفله عمرو دياب مارينا 2007 .. عمرو دياب الاسطورة

تجهيزات مش طبيعيه لمطرب خارق اسمه عمرو دياب .. وطارق الطهطاوي عضو الفرقه كان موجود هناك بيشيك علي الصوت وكده وبعد كده ظهراحمد ربيع .. ووليد بالفعل كان موجود مع اتوبيس الفرقة وف السكة





الساعه بقت سبعه وخلاص الناس ابتدت تدخل وطبعا عمرو دياب ورلد يملك الصف الاول بلا رحمة ..وابتدي ظهور الفرقة وتجهيز للساوند ... ووقت كل ده شغال شاشات عرض ف كل مكان بتعرض كليب نقول ايه

وابتدي العد التنازلي ومداعبات ومناوشات من اعضاء عالم عمرو دياب مع . حسام حبيب المطرب الجميل .. ومحمد يحيي الملحن صاحب الدم الخفيف فضل يتطنطط اول ما نادينا عليه .. الموزع توما شخصيه زي العسل ومتواضعه جدا . وكان موجود ايمن قمر وامير طعيمه وناس كتير جايه تستمع بظاهرة القرن اللي اسمها عمرو دياب


وابتدي حالة مش طبيعيه ع المسرح الهضبه ابتدا تحرك عمرو دياب من مكان الاقامه متجه ع المسرح


والفرقه بالكامل ع الاستتج والدي جي واشعال حماس 30000 شخص متعطشين لسماع كاريزما الاحساس عمرو دياب . وفجأه وبدون سابق انذار ابتدي عزف احمد ربيع ع الدرامير لآغنيه نقول ايه .. وصدوقني والله مفيش كلمه توصف لما الناس سمعت اول ضربه درامز من احمد ربيع حاله هيستريا مش طبيعيه لاستقبال الهضبه

واخيرا صوت الهضبه نقول ايه خلاص مفيش حاجه نقولها واصلين لدرجه حب محدش ف الدنيا وصلها .. انا ليك وعمري ما اكون ياحبيبي غير ليك روحي شاغلها .. دي الثانيه وانت بعيد ازاي قلبي هيستحملها




ويـــــــاه بجد دخول عمرو دياب الاستتج بكل نشاط وحيوية وهيستريا استقباله ماليه المكان .. الراجل ده بيمتلك حب مش عادي لانه بجد مش عادي .. الزهول لما عمرو دياب دخل .. الراجل لابس تيشرت بترولي وبنطلون جينز فاتح .. وعمرو دياب معجب بالازياء الصينيه مكتوب ع التيشرت الصين بالانجليزي .. عمرو دياب بيغني مستمتع الجمهور قدامه متفااعل بشكل عجيب تنطيط ف كل مكان ولااد وبنات محدش رجليه بتلمس الارض من فرحه ان عمرو قدامك .. وبعدها فاصل من اغاني عمرو دياب الجميله


عمرو دياب غنا كل الالبوم ماعدا وفهمت عنيك معلش بقا اللي كان متعشم خير يسمعها عمرو قالهم انسو نرجع للحفله مرة تانيه .. نقطة تحول مش طبيعيه . غنوة حكايات انتباه لكل شخص بيسمع اغاني ف الدنيا .. عمرو دياب غنا الكوبليهات الاول .. غناها تقريبا شبه فوكال .. ياجماعه الراجل ده يرعب .. غناها بشكل بشع باحساس ابشع .. خلي اللي واقف عنيه تدمع .. الليلا دي اتغنت تلات مرات وكل مرة ابداع غير التاني




شويه غير التيشرت دخل الكواليس وبعد حوالي خمس دقايق طلع .. وشكل عمرو مكنش ناوي يخلي الحفله عاديه من كله .. لاقيناه طلع بتيشرت اسود سادة خالص .. وسكارف .. زي اللي موجود علي صفحات كلام الناس .. وكان شكله جامد جدا واستايل جدا وشبابي جدا اصغر من اي حد ف الحفله .. ما شاء الله




والملاحظ ان عمرو دياب فقد من وزنه كتير جمسه ما شاء الله نمرة واحد ولياقه مش عادية . ربنا يحميه يارب ونتمناله الصحه دايما وابدا .. والله والله وبدون مبالغه الناس كل ما تقول هنرتاح شوية ما تقدرش تمسك نفسها انها تتفاعل مع عمرو الراجل بيجبرك تعمل كل حاجه ما تقفش علي رجليك .. وحركاته وسرعته ع المسرح تخليك تفرح من جمال ادائه



جمهور عمرو واعي قوي عايز يوصل لعمرو ان اي حاجه غيرك مالهاش قيمة ومش مهمه عندنا ..ف اي مطرب تاني فاهم نفسه حاجه وفاكر نفسه كبير .. دي الحقيقة اللي عملها عمرو دياب امبارح يعــقد ويخلي المطرب يعيش حاله نفسيه وحشة اوي .. عمرو دياب بشع يرعب .. معندوش تعاون علي خشبه المسرح .. تحس اناه بترقص معاه فرحانه بيه .. لسان حالها بتقول يادياب ما تسبنيش مفيش غيرك عايزاك يقف هنا .. وف نفس واحد الجماهير قالت . اتعـــــلم ياتامــــــر .. وابتسامه جميله من عمرو وقال مالناش دعوة بحد . ياكبير ياكبير .. فعلا اي حد غيرك يعتبر مهمش . بس جمهورك عايز يوصلك انك حاجه كبيرة اوي عنده ومحدش هيقدر يمس باسمك او يحاول يقول كلام مش قده





وابتدي قطار الحفله للوصول للمحطة الاخيرة نقول ايه .. واثناء غناء عمرو شاب طلع ع الاستتج .. كان واضح قبلها انه ناوي علي كده ... البودي جاري منعوه تحت المسرح .. لحد ما طلع علي استند الاستتج .. وهو جاي علي عمرو .. عمرو عمله بايده بالهداوة .. وعمرو دياب حضنه وفضل العضو ده ماسك ف عمرو حوالي دقيقتين تخيلو \حاضن عمرو دقيقتين مش عايز يسيبو وبيوضح لعمرو قد ايه بيحبه .. ومحاولة من البودي جارد عشان ياخدوه من عمرو بس عمرو بعدهم وقالهم سبوه وقعده جنبه علي المسرح .. مين زيك ياعمرو دياب



وطبعا علشان خطركم وعارف انكوا تتجننوا و تشفوا حاجه من الحفله فانا مش نسيتكم ودى الحاجه الى عرفت اجبها دلوقتى وكل حاجه جديده هجبها انشاء الله

http://www.2shared.com/file/2197119/86e944b1/25082007_001_.html


وينتهي الحفل الاسطوري .. وذهول من الجميع .. ايه السر ف عمرو دياب .. ليه مهما يغيب بيوحشنا اكتر .. ليه لو ظهر ف حفله كل يوم مش هنزهق منه .. سؤال اسيبكم تجاوبو معاه
عمرو دياب انت ملك اللايف صوتك وادائه بيأهلك يخليك نمرة واحد ف كل مكان ... معندكش حاجه اسمها وقت اكون ناجح فيه لانك ف كل وقت بتخلي النجاح مجرد وسيله لامتاع الاخرين زي اللي حصل امبارح .. نظره عنيك وضحكتك للناس جواهم حب كبير للناس دي .. واحنا بنحبك ياعمرو ومعاك لاخر العمر ان شاء الله

انشاء الله من عنيا يامونى وانا فرحان اوى ان فى واحده ديابيه زيك معايا تشجعنى

اى خدمه ياقطه علشان بس تعرفى قمتى هنا

ههههههههههههههههههههه

الله يخليكى وتعدى تنفخى لحد منفسك يتقطع